ተጨማሪ 195 ሰዎች የኮሮና ቫይረስ ተገኘባቸው፤ የ 2 ሰዎች ህይወትም አልፏል

0
564

በኢትዮጵያ ባለፉት 24 ሰዓት በተደረገ 4,853 የላቦራቶሪ ምርመራ ተጨማሪ 195 ሰዎች የኮሮና ቫይረስ እንደተገኘባቸው እንዲሁም ተጨማሪ 2 ሰዎች በቫይረሱ ምክንያት ህይወታቸው ማለፉን የጤና ሚኒስትር ዶክተር ሊያ ታደሰ አስታወቁ።

በዚህም እስካሁን በሀገሪቱ ቫይረሱ የተገኘባቸው ሰዎች ቁጥር 3,954 ደርሷል።

ዶክተር ሊያ እንደገለፁት ቫይረሱ በምርመራ የተገኘባቸው 90 ወንድና 105 ሴቶች ሲሆኑ እድሜያቸውም ከ 1 ዓመት እስከ 85 ዓመት የእድሜ ክልል ውስጥ የሚገኙ መሆናቸው ታውቋል፡፡

በዜግነት ሁሉም ኢትዮጵያዊያን ናቸው፡፡

በተጨማሪም በቫይረሱ ምክንያት የተጨማሪ 2 ሰዎች (የ80 ዓመት ወንድ የአዲስ አበባ ነዋሪ በህክምና ማዕከል በህክምና ላይ የነበሩ)፣(የ60 ዓመት ሴትየአዲስ አበባ ነዋሪ በህክምና ማዕከል በህክምና ላይ የነበሩ) ሕይወት ያለፈ ሲሆን በዚህም በአጠቃላይ በሀገራችን በኮሮና ቫይረስ ህይወታቸውን ያጡ ሰዎች ቁጥር 65 ደርሷል፡፡

በሌላ በኩል ተጨማሪ 85 ሰዎች (73 ከአዲስ አበባ፣ 5 ከኦሮሚያ ክልል፣ 5 ከአማራ ክልል እንዲሁም 2 ከትግራይ ክልል) ከበሽታው ያገገሙ ሲሆን በአጠቃላይ 934 ሰዎች ከበሽታው አገግመዋል።

ቫይረሱ በሀገራችን እንደተገኘ ከተረጋገጠበት ጊዜ አንስቶ እስካሁን በአጠቃላይ 202,214 የላብራቶሪ ምርመራዎች ተካሂደዋል።

መልስ አስቀምጡ

Please enter your comment!
Please enter your name here