የኢትዮጵያ ግብርና ትራንስፎርሜሽን ኤጀንሲ (ኤቲኤ) ሁለት የአግሪ ፊን ሽልማቶችን ማሸነፉን አስታወቀ

0
326

ኤቲኤ ሽልማቶቹን ያሸነፈው “ዲጂታል መረጃን በመጠቀም አነስተኛ ይዘታ ያላቸው አርሶ አደሮችን ማገልገል” እና “አነስተኛ ይዘታ ያላቸው አርሶ አደሮችን ተጠቃሚ የሚያደርጉ በመንግሥት እና በግሉ ዘርፍ በአጋርነት የሚሰሩ ፈር ቀዳጅ ሥራዎች” በሚሉት በኹለት ምድቦች መሆኑን አስታውቋል። ተቋሙ ሽልማቱን ያሸነፈው የአንበጣ መንጋ እና ሌሎች ለግብርና ስራዎች ፈተና የሆኑ ችግሮችን ለመፍታት ባደረገው ጥረት ነው
“ዲጂታል መረጃን በመጠቀም አነስተኛ ይዞታ ያላቸው አርሶ አደሮችን ማገልገል” በተሰኘው በመጀመሪያው ምድብ ስር ኤጀንሲው ከዳልበርግ እና ከመርሲ ኮር አግሪፊን ቡድኖች ጋር በመተባበር የመረጃ ምንጮችን በሙሉ በመረጃ ቋቱ ውስጥ በአንድ ቦታ የሚያሰባስብ የመረጃ ቋት ለመፍጠር ችሏል።
2 ነጥብ 5 ሚሊዮን አርሶ አደሮችን ያቀፉትን የግብርና ኮሜርሻላይዜሽን ክላስተሮች ለመደገፍ እንዳስቻለውም ነው ያስታወቀው፡፡
በዝርዝር የተዘጋጁ የአርሶ አደር ፖሊሲዎችን ለመቅረጽ ከማገዝም በላይ ለመንግስት እና ለግል ተቋማት የሚያገለግል ሀብት ነውም ብሏል።
የኤጀንሲው ዋና ሥራ አስፈጻሚ ማንደፍሮ ንጉሴ (ዶ/ር) “ሽልማቱ ልናገለግላቸው የምንተጋላቸውን አነስተኛ ይዞታ ያላቸው አርሶ አደሮችን ለማገዝ ለምንሠራቸው ሥራዎች ዕውቅና የሚሰጥ መሆኑ መነሳሳትን ይፈጥራል” ብለዋል።
ሁለተኛው ሽልማት ደግሞ ኤጀንሲው አርሶ አደሮች በ8028 ነጻ የስልክ መስመር የበረሀ አንበጣ መከላከል መረጃዎች እና ሌሎች አስፈላጊ የሆኑ የግብርና ስራ መረጃዎችን ለአርሶ አደሩ በማድረሱ እንደሆነም ተገልጿል።


ቅጽ 3 ቁጥር 132 ግንቦት 7 2013

መልስ አስቀምጡ

Please enter your comment!
Please enter your name here