የሰላም ሚኒስትር ወይዘሮ ሙፈሪሃት ካሚል ከተባበሩት መንግስታት የፖለቲካና ሰላም ግንባታ ጉዳዮች ዋና ፀሀፊ ዶክተር ሮዝማሪ ዲካርሎ ጋር ውይይት አድርገዋል፡፡
ሚኒስትሯ በማህበራዊ ትስስር ገፃቸው ባሰፈሩት ፅሁፍ በውይይቱ በሀገራችን ወቅታዊ ጉዳዮች በተለይም በሰሜኑ የሀገራችን ክፍል ከአንድ ወገን የተኩስ አቁም ስምምነት በኋላ ስላለው የሰብዓዊ እርዳታን አስመልክቶ ሰፋ ያለ ውይይት ማድረጋቸውን ገልፀዋል።
በተጨማሪም ሀገራችን ስለምትገኝበት የለውጥ ሂደት፣ በቅርቡ ያካሄድነው ሀገራዊ ሰላማዊ የምርጫ ሂደት እና በሀገር ዓቀፍ ደረጃ ላለፈው አንድ አመት በመካሄድ ላይ ስላለው ሁሉን አቀፍ የማህበረሰብ የምክክር ሂደትን አስመልክቶ ገለጻ መደረጉንም አስታውቀዋል።





