ዳሰሳ ዘ ማለዳ (የካቲት 11/2012)

Views: 162

 

ኢትዮጵያ በስድስት ወራት ውስጥ 39 ነጥብ 2 ቢሊዮን ብር ብድርና እርዳታ አገኘች

ኢትዮጵያ በ2012 ግማሽ በጀት ዓመት 39 ነጥብ 2 ቢሊዮን ብር ብድርና እርዳታ ማግኘቷን የገንዘብ ሚኒስቴር ዛሬ የካቲት 11/2012 በሰጠው ጋዜጣዊ መግለጫ ላይ አስታወቀ። ብድሩ የተገኘው ከዓለም አቀፍ የገንዘብ ተቋማት እና አገራት መሆኑን ሚኒስቴሩ በመግለጫው ላይ ገልጿል። (አዲሰ ማለዳ)

…………………………………………………………………………………………………………………………………………………………………………………………………

ጨፌ ኦሮሚያ የተለያዩ ሹመቶችን አፅድቋል ሽመልስ አብዲሳ የኦሮሚያ ብሔራዊ ክልላዊ መንግሥት ፕሬዝዳንት፣  ጫልቱ ሳኒ የኦሮሞ ብሔራዊ ክልላዊ መንግሥት ምክትል ፕሬዝዳንት፣ ፈቃዱ ተሰማ  የጨፌ ኦሮሚያ የመንግሥት ተጠሪ፣ አዲሱ አረጋ  በምክትል ፕሬዝዳንት ማዕረግ የማኅበራዊ ክላስተር አስተባባሪ፣ ጀማል ከድር- የኦሮሚያ ከተሞች ልማት እና ቤቶች ቢሮ ኃላፊ ፣ ጌታቸው ባልቻ የኦሮሚያ ኮሙዩኒኬሽን ጉዳዮች ቢሮ ኃላፊ ፣ጅቢሪል መሐመድ የኦሮሚያ አስተዳደር እና ፀጥታ ቢሮ ኃላፊነት ሹመት ከተሰጣቸው መካከል ይገኙበታል። (ኢቢስ)

…………………………………………………………………………………………………………………………………………………………………………………………………

‘በኢትዮጵያ እየተከሰተ ያለው ጣልቃ ገብነት እንዲሁም በትግራይ ላይ ያለው ጥላቻ የማይስተካከል ከሆነ ትግራይ ራስዋን የቻለች አገር ናት ብላችሁ ልታውጁ ይገባል” ሲሉ የትግራይ ምክትል ፕሬዝደንት ደብረፅዮን ገብረሚካኤል (ዶ/ር) ህወሓት የተመሰረተበትን 45ኛውን ዓመት አስመልክቶ  በመቀሌ ስታዲየም ለታደሙ ሰዎች ባደረጉት ንግግር ላይ መልዕክት አስተላለፉ። (ቢቢሲ አማርኛ)

 

…………………………………………………………………………………………………………………………………………………………………………………………………

በኹለት ሳምንት ውስጥ ብዛታቸው 11 የሆኑ ኢትዮጵያውያንን ጨምሮ አንድ ሺሕ የሚጠጉ የሌሎች አገራት ዜጎች፣ ሕጋዊ ሆነው ሳለ ፈቃድ ከተሰጣቸው የሥራ መስክ ውጭ በመሰማራታቸው መታሠራቸው ተገለጸ፡፡ይህን አስመልክቶም በጅዳ ቆንስል ጀነራል  አብዱ ያሲን እንደገለጹት፣ የሳውዲ መንግሥት በወሰደው እርምጃ 11 ኢትዮጵያውያን ተይዘዋል። (ዶቸቬለ)

…………………………………………………………………………………………………………………………………………………………………………………………………

ኢትዮ ቴሌኮም ትናንት የካቲት 10/2012  ምሽት ለተፈጠረው የኔትወርክ መስተጓጎል ደንበኞቹን ይቅርታ ጠየቀ።ችግሩ የተፈጠረውም በቴክኒክ ብልሽት መሆኑን አስታውቋል።(ኢትዮ ቴሌኮም)

…………………………………………………………………………………………………………………………………………………………………………………………………

ለውጡንና ጠቅላይ ሚኒስትር ዐቢይ አሕመድን በመደገፍ በለገጣፎ የድጋፍ ሰልፍ ተካሄደ። ሰልፈኞቹ በመደመር የብልፅግና ጉዧችንን እናሳካለን፣ ሃገር በሃሳብና በስራ ይገነባል፣ ከብልፅግና ጋር መጭው ጊዜ ብሩህ ነው የሚሉና ሌሎች መፈክሮችን አሰምተዋል። (ፋና ብሮድካስቲንግ ኮርፖሬት)

…………………………………………………………………………………………………………………………………………………………………………………………………

የአሜሪካ የውጭ ጉዳይ ሚኒስትር ማይክ ፖምፒዮ መንግሥታቸው በታላቁ የህዳሴ ግድብ ፕሮጀክት ዙሪያ ኢትዮጵያ ከግብፅ እና ከሱዳን ጋር እያደረገቸው ባለው ድርድር ጫና እያደረገ እንዳልሆነ አስታወቁ።በህዳሴ ግድብ ዙሪያ ኢትዮጵያ፣ ግብፅ እና ሱዳን ከስምምነት ለመድረስ  ወደ ጫፍ የደረሱ ቢመስሉም ቀሪ ሥራዎች መሠራት እንዳለባቸውም አሳስበዋል፡፡የውጭ ጉዳይ ሚስትሩም በኢትዮጵ የነበራቸውን ይፋዊ የሥራ ጉብኝት ዛሬ የካቲት 11/2012 አጠናቋል፡፡ (አዲስ ማለዳ)

 

 

Comments: 0

Your email address will not be published. Required fields are marked with *

This site is protected by wp-copyrightpro.com