በሶማሌ ክልል የነዳጅ ድፍድፍ ባለበት አካባቢ የሰዎች ሕይወት እያለፈ ነው

Views: 434

 

በምስራቅ ኢትዮጵያ ሶማሌ ክልል የነዳጅ ድፍድፍ ባለበት አካባቢ የሚኖሩ ዜጎች ምንነቱ ባልታወቀ ሕመም ሕይወታቸው እንዳለፈ እና ጉዳት እየረደሰባቸው መሆኑን ዘጋርድያን ዘገበ።

የቻይናው ፖሊ ሲ ጂ ኩባንያ በአካበቢው የድፍድፍ ነዳጅና የተፈጥሮ ጋዝ ፍልጋውን ከጀመረ  በኋላ ይህ ዓይነቱ ክስተት መስፋፋቱን የአካባቢው ነዋሪዎች ተናግረዋል።

የአባቢው ነዋሪ የነበረው ከድር አብዲ አብዱላሂ የተባለ የ23 ዓመት ወጣት  በመጀሪያ አይኖቹ እና የእጆቹ መዳፍ ቢጫ ሆነው ነበር ሲል ያስረደው ዘገባው በኋላም ከአፍንጫውና ደም ይፈሰው እንደነበር በመግለፅ በኋላም ሕይወቱ አልፏል ብሏል።

በፌደራል መንግስትም በኩልም ምክንያቱ የጤና ችግር ይሁን ከአካባቢ ጥበቃ ጋር የተያያዘ ስለመሆኑ የተገለጸው  ነገር የለም ብለዋል አካባቢው ነዋሪዎች።

ነገር ግን የከድርን ሞት ጨምሮ ምክንያት ሊሆን የሚችለው አካባቢው ላይ ባለው መርዛማ ኬሚካል ውሃዎች ተበክለው ሳይሆን አይቀርም ሲሉ የአካባቢው ነዋሪዎች ግምታቸውን ተናግረዋል።

ከሃዳር የተባለው የጅግጅጋ አካባቢ ነዋሪ በበኩሉ አካባቢው መርዛማ ኬሚካል ያለበት ነው እኔም በቅርቡ ከሆስፖታል የወጣው ሲሆን የህክምና ባለሙያዎች ምን ሊያደርጉልኝ አልቻሉም ሲል ተናግሯል።

ስማቸው እንዲጠቀስ ያልፈለጉት የሶማሌ ክልል አማካሪ ደግሞ ከዚህ በፊት እንዲህ ዓይነት በሽታ ታይቶ የአይታወቅም፣ ይህ አዲስ ክስተት ነው ሲሉ አስረድተዋል፡፡ የአካባቢው ሕዝብ ምንም የጤና ጥበቃ ሳይረግለት የፖሊ ጂሲኤል ኩባንያ የሚጠቀመው ኬሚካል ሰዎችን ሊጎዳ እንሚችል መታወቅ አለበት ሲሉም አክለዋል።

የፖሊ ጂሲኤል ኩባንያ አስተያየት ከመስጠት እንደተቆጠበም ዘጋርዲያን በዘገባው አመላክቷል።

የኢፌዲሪ የማዕድን፣ፔትሮሊየምና ተፈጥሮ ጋዝ ሚኒስቴር ከፍተኛ ባለሙ የሆኑት ቀጸላ ታደሰ በበኩላቸው በመንግስት በኩል ነገሩን እንደማያውቀው በመለግለፅ የነዳጅ ክምችት ባለበት ቦታ ላይም ቋሚ ሰፋሪ ሰዎች የሉም በማለት ምላሻቸውን ሰጥተዋል፡፡

ጨምረውም አካባቢው ምንም ዓይነት ጉዳት እንዳያደርስ ዓለም አቀፍ ደረጃን ተከትሎ የተሰራ መሆኑንም ጠቁመዋል።

የዘጋርዲያን ዘገባ እንሚላክተው ከሆነም በፈረንጆቹ ከ2014 ጀምሮ እስካሁን ወደ 2000ሺህ ገደማ ሰዎች ሕይታቸው ማለፉ ይፋ አድርጓል።

ፖሊጂሲኤል ፔትሮሊየም ኢንቨስትመንት የተባለው የቻይና ኩባንያ እ.ኤ.አ. በ2013 ከማዕድን ሚኒስቴር ጋር የነዳጅ ልማት ስምምነት የተፈራረመው ሲሆን ከ2014 ጀምሮ የተፈጥሮ ዘይትና ጋዝ ፍለጋ ሥራ ሲያከናውን መቆየቱም ይታወሳል፡፡

ጠቅላይ ሚኒስትር  አብይ አህመድ (ዶ/ር)ኩባንያው በምስራቅ ኢትዮጵያ ሶማሌ ክልል ሲያደርግ የቆየው የድፍድፍ ነዳጅና የተፈጥሮ ጋዝ ፍለጋ ውጤት ማስገኘቱን እና ሙከራ መደረጉን ሰኔ 21/2012 ማብሰራቸውም አይዘነጋም፡፡

 

Comments: 0

Your email address will not be published. Required fields are marked with *

This site is protected by wp-copyrightpro.com