የተለያዩ 17 የዓለም አገራት ዜግነት ያላቸው 80 የአደንዛዥ ዕፅ አዘዋዋሪዎች በ2011 በጀት ዓመት በኢትዮጵያ በቁጥጥር ሥር መያዛቸውን የፌደራል ፖሊስ የፀረ አደንዛዥ ዕፅ ዝውውር ግብረ ኃይል አስታውቋል። ከግለሰቦች ጋር አብሮ የተያዘው የዕፅ መጠን 186 ኪሎ ግራም ኮኬይን፣ 9 ኪሎ ግራም ሔሮይን እንዲሁም 1ሽሕ አንድ መቶ አራት ኪሎ ግራም ካናቢስ መሆናቸውን ግብረ ኃይሉ ለኢዜአ ገልጿል።
የተያዙት አደንዛዥ ዕፆች በአብዛኛው በቦሌ ዓለም አቀፍ አውሮፕላን ማረፊያ በኩል ወደ ሦስተኛ አገራት ሊተላለፉ ሲሉ እንደሆነም ግብረ ኃይሉ አስታውቋል።በዕፅ ማዘዋወሩ ሒደትም በዋናነት የናይጀሪያ፣ ብራዚል፣ ቬንዙዌላ እና የደቡብ አፍሪካ ዜጎች ቀዳሚ ተርታ ላይ ይገኛሉ። በቁጥጥር ስር ከዋሉት ውስጥም 57 ዎንዶች ሲሆን 23 ደግሞ ሴቶች ናቸው።



