ባለስልጣኑ የክረምት ወራት የበጎ ፈቃድ አገልግሎቶት መርሀ ግብር በይፋ አስጀመረ

0
614

የአዲስ አበባ ከተማ መንገዶች ባለስልጣን የዘንድሮው የክረምት ወራት የበጎ ፈቃድ አገልግሎት በዛሬው ዕለት ችግኝ በመትከል ተጀምሯል፡፡

ባለስልጣኑ በዛሬው ዕለት አመራሮችን፣ሰራተኞችን እና የተለያዩ ባለድርሻ አካላትን በማስተባበር ከቁስቋም -እንጦጦ ማሪያም በሚገኘው የመንገድ ግንባታ ፕሮጀክት በግራና በቀኝ ባሉ ክፍት ቦታዎች ላይ ሁለት ሺ ችግኞችን የመትከል ስራ በይፋ አስጀምሯል፡፡

በችግኝ ተከላ መርሀ ግብሩ ላይ የባለስልጣን መስሪያ ቤቱ ዋና ዳይሬክተር ኢንጂነር መገስ ጥበቡ እንደገለፁት በተያዘው የክረምት ወራት የ 30 ሺ ችግኞች ተከላን ጨምሮ ዘርፈ ብዙ የበጎ አድራጎት ስራዎች ይከናወናሉ ብለዋል፡፡

ኢንጂነር ሞገስ አክለውም በክረምቱ ወራት 15 የሚሆኑ የአቅመ ደካማ ቤቶችን የማደስ ፣ በተመረጡ ሆስፒታሎች እና ትምህርት ቤቶች የውስጥ ለውስጥ የመንገድ ጥገና ስራዎች እና 50 ለሚሆኑ ችግረኛ ህፃናት ድጋፍ ይደረጋል ማለታቸውን ከባለስልጣን መስሪያ ቤቱ የተገኘው መረጃ ያመለክታል፡፡

መልስ አስቀምጡ

Please enter your comment!
Please enter your name here