የኢትዮጵያ ንግድ ባንክ የደንበኞቹን አካውንት ለግዜው ያግዳል የተባለው ወሬ ሐሰት መሆኑ ተገለፀ

0
1894

👉ባንኩ “መረጃ አሟሉ አልኩ እንጂ የባንክ ሂሳብ አግዳለሁ አላልኩም” ብሏል

አርብ መጋቢት 2 ቀን 2014 (አዲስ ማለዳ) የኢትዮጵያ ንግድ ባንክ የደንበኞቹን አካውንት ለግዜው ያግዳል የተባለው ወሬ ሐሰት መሆኑን ባንኩ አስታወቀ።
ባንኩ “መረጃ አሟሉ አልኩ እንጂ የባንክ ሂሳብ አግዳለሁ አላልኩም” ፤ ማለቱም ተገልጿል።

ዛሬ የደንበኞችን መረጃ የመሰብሰቢያ ቀን የመጨረሻ ነው የተባለውም ሐሰት ነው ሲልም ባንኩ ተናግሯል።

የባንኩ የኮምዩንኬሽን ዳይሬክተር ያብስራ ከበደ ባንኩ የደንበኞችን መረጃ ለመሰብሰብ አገልግሎቱን ለጊዜው ገደብ እንጂ አለማገዱን ተናግረዋል፡፡

የኢትዮጵያ ንግድ ባንክ የኤቲ.ኤም እና የሞባይል ባንኪንግ አገልግሎትን መገደብ ያስፈለገው የብሔራዊ ባንክ ለሁሉም የግል ባንኮች የላከውን መመሪያ ለመተግበር በመገደዱ መሆኑም ተገልጿል፡፡

ደንበኞች ለጊዜው በኤቲኤም እና በሞባይል ባንኪንግ የገንዘብ ማስተላለፍና ማውጣት አገልግሎት ባያገኙም ወደ ቅርንጫፍ መጥተው ሀብታቸውንና ገንዘባቸውን ማንቀሳቀስ እንደሚችሉ መታወቅ አለበት ተብሏል፡፡

የኢትዮጵያ ንግድ ባንክ የደንበኞችን መረጃ ለመፈለግ የመጨረሻው ቀን ዛሬ አርብ ነው የተባለውም ትክክል እንዳልሆነ የኮሙዩኒኬሽን ዳይሬክተሩ ለሸገር ሬዲዮ ተናግረዋል፡፡

ደንበኞች በየቅርንጫፉ መጉላላት፣ መሰለፍ እና ጊዜያችሁን ማባከን የለባችሁም ባመቻችሁ ጊዜ ባንኩ የሚጠይቀውን መረጃ መስጠት ትችላላችሁ ሲልም ባንኩ አስታውቋል፡፡
_________________
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n

መልስ አስቀምጡ

Please enter your comment!
Please enter your name here