በወለጋ ዞን በአንድ ሳምንት ሦስት የቦምብ ጥቃቶች ተፈጸሙ

0
1076

በኦሮሚያ ክልል ምዕራብ ወለጋ ዞን መነስቡ ወረዳ መንዲ ከተማ፣ በቄለም ወለጋ ዞን ጊዳሚ ከተማ ቅዳሜ መስከረም 3/2012 ሌሊት፣ እሁድና ማክሰኞ በተፈጸመ የቦምብ ጥቃት አምስት ሰው ሲገደል፣ ሦስት ሰዎች መቁሰላቸውን የአካባቢው ባለሥልጣናት ተናገሩ።

የምዕራብ ወለጋ ዞን አስተዳደር የጸጥታ ፅሕፈት ቤት ኀላፊ አብዩ ምኅረቱ፣ ጥቃቱን የፈጸሙት የኢትዮጵያ መንግሥት ያቀረበውን የሰላም ጥሪ ያልተቀበሉ የሸኔ ታጣቂ ቡድን አባላት ናቸው ሲሉ ገልጸዋል። ጥቃቱ የተፈጸመው ከዚህ ቀደም የኦሮሞ ነፃነት ግንባር አባል በነበሩ ሰዎች ላይ ነው። “ለምን እጃችሁን ሰጣችሁ?” በሚል በተቀመጡበት የቦምብ ጥቃት በመፈጸም ሦስት ሰዎች መቁሰላቸውንና አንድ ሰው መሞቱን ተናግረዋል።

በቄለም ወለጋ፣ ጉዳሚ ወረዳ ባለፈዉ ቅዳሜ ማታ በተነሳ ግጭት ኹለት የከተማይቱ ነዋሪዎች ሲገደሉ፣ በማግስቱ እሁድ በምዕራብ ወለጋ የጉልሶ ከተማ ከንቲባ የነበሩት አበበ ተካልኝ ባልታወቁ ሰዎች መገደላቸውን ያስታወቁት ኃላፊው፣ ማክሰኞ በቄለምና ምዕራብ ወለጋ ዞኖች ሦስት ሰዎች መገደላቸውን ተናግረዋል።

ቅጽ 1 ቁጥር 48 መስከረም 24 2012

መልስ አስቀምጡ

Please enter your comment!
Please enter your name here