መነሻ ገጽዜናየእለት ዜናበመንግሥት ተቋማት የሚገኙ ቁርጥራጭ ብረቶችና ከአገልግሎት ውጪ የሆኑ ተሽከርካሪዎች ያለጨረታ በሽያጭ እንዲተላለፉ...

በመንግሥት ተቋማት የሚገኙ ቁርጥራጭ ብረቶችና ከአገልግሎት ውጪ የሆኑ ተሽከርካሪዎች ያለጨረታ በሽያጭ እንዲተላለፉ ተወሰነ

አርብ መስከረም 13 ቀን 2015 (አዲስ ማለዳ) በመንግሥት ተቋማት የሚገኙ ቁርጥራጭ ብረቶችና ከአገልግሎት ውጪ የሆኑ ተሽከርካሪዎች ለብረት አምራች ኢንዱስትሪዎች ያለጨረታ በሽያጭ እንዲተላለፉ መንግስት ወሰነ፡፡

እንደየብረት አይነቶችና የገበያው ኹኔታ የመሽጫ ዋጋ የተዘጋጀ ሲሆን፤ ይህም የብረት አምራች ፋብሪካዎች ላይ ያለውን የግብዓት እጥረት በከፍተኛ መጠን የሚያቃልል መሆኑ ተገልጿል።

ስለሆነም ቁርጥራጭ ብረቶችና ከአገልግሎት ውጪ የሆኑ ተሽከርካሪዎችን ፋብሪካዎቹ ያለጨረታ በመነሻ ዋጋ እንዲወስዱ በተወሰነው መሰረት የፋብሪካዎችን የማምረት አቅም ባገናዘበ መልኩ ድልድል እንደሚካሄድም ተገልጿል።

በዚህም ከፌዴራል መስሪያ ቤቶች፣ ተጠሪ ተቋማት፣ በፌዴራል ደረጃ የመንግሥት የልማት ድርጅቶች እንዲሁም በመንግሥት ዩኒቨርሲቲዎች የሚገኙ ቁርጥራጭ ብረቶችና ከአገልግሎት ውጪ የሆኑ ተሽከርካሪዎች ለብረት አምራች ኢንዱስትሪዎች በሽያጭ ይተላለፋሉ ተብሏል፡፡

በድልድሉ ላይ የጋራ መግባባት ለመፍጠር የውይይት መድረክ መዘጋጀቱን ከገንዘብ ሚኒስቴር የተገኘው መረጃ አመላክቷል።

- ይከተሉን -Social Media
ተዛማጅ ጽሑፎች

መልስ አስቀምጡ

Please enter your comment!
Please enter your name here

- Advertisment -
Ads

የቅርብ ጊዜ ጽሑፎች