መነሻ ገጽዜናወፍ በረር ዜናምርጫ ቦርድ በደቡብ ክልል ለሚያካሂደው ሕዝበ ውሳኔ 541 ሚሊዮን ብር በጀት ጠየቀ

ምርጫ ቦርድ በደቡብ ክልል ለሚያካሂደው ሕዝበ ውሳኔ 541 ሚሊዮን ብር በጀት ጠየቀ

የኢትዮጵያ ብሔራዊ ምርጫ ቦርድ በደቡብ ብሔር ብሔረሰቦች ክልላዊ መንግሥት ውስጥ ለሚያካሂደው ሕዝበ ውሳኔ ማስፈጸሚያ የሚያስፈልገውን የ541 ሚሊዮን 270 ሺሕ ብር ተገማች የበጀት ጥያቄ ለኢፌዴሪ ሕዝብ ተወካዮች ምክር ቤት አቅርቧል።

ቦርዱ በደቡብ ብሔር ብሔረሰቦች ሕዝቦች ክልላዊ መንግሥት ስር የሚገኙ ስድስት ዞኖች ማለትም የጋሞ፣ ጎፋ፣ ወላይታ፣ ጌዲዮ፣ ኮንሶና፣ ደቡብ ኦሞ ዞኖች እንዲሁም አምስት ልዩ ወረዳዎችን እነዚሁም የቡርጂ፣ አማሮ፣ ደራሼ፣ ባስኬቶ፣ አሌ ልዩ ወረዳዎች ላይ ሕዝበ ውሳኔ እንደሚያካሄድ ይታወቃል።

ቦርዱ በተጠቀሱት ዞኖችና ልዩ ወረዳዎች ላይ ሕዝበ ውሳኔ በማደራጀት ውጤቱን እንዲያሳወቅ በፌዴሬሽን ምክር ቤት የተጠየቀው ነሐሴ 12/2014 በተጻፈ ደብዳቤ ሲሆን፣ በዚህም መሠረት ቦርዱ የሕዝብ ውሳኔውን ለማከናወን የሚያስፈልጉ ዝርዝር ተግባራትን በማካተት የድርጊት መርሐ ግብር አዘጋጅቶ ማቅረቡን አስታውቋል። በዚህም መሠረት ቦርዱ በሕዝበ ውሳኔው የድርጊት መርሐ ግብሩ ላይ የተጠቀሱትን አጠቃላይ ተግባራት ተፈጻሚ ለማድረግም የሚያስፈልገውን በጀት ለሕዝብ ተወካዮች ምክር ቤት ማቅረቡን ገልጿል።


ቅጽ 4 ቁጥር 203 መስከረም 14 2015

- ይከተሉን -Social Media
ተዛማጅ ጽሑፎች

መልስ አስቀምጡ

Please enter your comment!
Please enter your name here

- Advertisment -
Ads

የቅርብ ጊዜ ጽሑፎች