መነሻ ገጽዜናየእለት ዜናየኢትዮጵያ አየር መንገድ ወደ ትግራይ ክልል ተቋርጦ የቆየውን መደበኛ በረራ ለመጀመር በዝግጅት...

የኢትዮጵያ አየር መንገድ ወደ ትግራይ ክልል ተቋርጦ የቆየውን መደበኛ በረራ ለመጀመር በዝግጅት ላይ መሆኑን አስታወቀ

ረቡዕ ኀዳር 14 ቀን 2015 (አዲስ ማለዳ) የኢትዮጵያ አየር መንገድ ወደ ትግራይ ክልል ተቋርጦ የቆየውን መደበኛ በረራ ለመጀመር በዝግጅት ላይ መሆኑን የአየር መንገዱ ዋና ሥራ አስፈጻሚ መስፍን ጣሰው ተናገሩ።

አየር መንገዱ ለዳግም በረራ መዘጋጀቱ በክልሉ የሰብዓዊ ድጋፍ ተደራሽነትን ለማሳለጥ ወሳኝ ሚና እንዳለው ተገልጿል።

በደቡብ አፍሪካ ፕሪቶሪያ የተደረሰውን የሰላም ስምምነት ተከትሎ መንግስት ወደ ትግራይ ክልል ሰብዓዊ ድጋፍን በስፋት ተደራሽ ለማድረግ በቁርጠኝነት እንደሚሰራ መግለጹ ይታወሳል።

የኢትዮጵያ አየር መንገድ ግሩፕ ዋና ሥራ አስፈጻሚ መስፍን ጣሰው፤ በአየር መንገዱ ስኬትና ቀጣይ እቅዶች እንዲሁም የተቋሙን አጠቃላይ ወቅታዊ ሁኔታ በማስመልከት ከኢዜአ ጋር ቆይታ አድርገዋል።

ዋና ሥራ አስፈጻሚው በማብራሪያቸው “በመንግስትና ህወሃት መካከል የተደረሰውን የሰላም ስምምነት ተከትሎ ወደ ትግራይ ክልል ተቋርጦ የቆየውን መደበኛ በረራ ለመጀመር ዝግጅት እየተደረገ መሆኑን ገልጸዋል።

አስቀድሞ ወደ አካባቢው በየቀኑ በርካታ በረራዎች እንደነበሩ አስታውሰው ከክስተቱ በኋላ ግን አገልግሎቱ መቋረጡን ተናግረዋል።

አየር መንገዱ የአገር ውስጥ በረራ ከሚያደርግባቸው በርካታ መዳረሻዎች መካከል የትግራይ ክልል አንዱ መሆኑን ጠቅሰው ዳግም በረራ ለመጀመር መዘጋጀቱ ዘርፍ ብዙ ጠቀሜታ እንዳለው ተናግረዋል።

በመንግስትና በህወሃት መካከል የተደረገው ሰላም ስምምነት አየር መንገዱ ሲሰጣቸው የነበሩ መደበኛ አገልግሎቶችን ከመስጠት ባለፈ የሰብዓዊ ድጋፍ ተደራሽነትን ለማፋጠን ከፍተኛ ጠቀሜታ እንደሚኖረው አብራርተዋል።

- ይከተሉን -Social Media
ተዛማጅ ጽሑፎች

መልስ አስቀምጡ

Please enter your comment!
Please enter your name here

- Advertisment -
Ads

የቅርብ ጊዜ ጽሑፎች