በገና በዓል በከተማዋ የተሻለ የውሃ ስርጭት እንዲኖር ዝግጅት እየተደረገ ነው ተባለ

0
736

የአዲስ አበባ ውሃና ፍሳሽ አገልግሎት ባለሥልጣን የገና በዓልን ምክንያት በማድረግ በከተማዋ የተሻለ የውሃ ስርጭት እንዲኖር ቅድመ ዝግጅት ማድረጉን አስታወቀ።

የከርሰ ምድር እና የገጸ ምድር የውሃ መገኛዎች ከዚህ ቀደም በሚያመርቱት የውሃ መጠን ላይ ተጨማሪ 12 ሺሕ 500 ሜትር ኪዩብ ውሃ በማምረት ዝግጅት ማድረጉንም ባለሥልጣኑ አስታውቋል።

እንዲሁም በካራ፣ ሠላም፣ ቁስቋም፣ ሸጎሌ እና ኪዳነ ምህረት አካባቢ የሚገኙ 5 የውሃ ማጠራቀሚያ ጋኖች ቅዳሜ እና እሁድን ጨምሮ በተሽከርካሪ እንዲሞሉ በማድረግ እና ከከፍተኛ ውሃ ተጠቃሚ ተቋማት ውሃ በመቀነስ የተራዘመ ፈረቃ ባለባቸው አካባቢዎች ተጨማሪ የውሃ ስርጭት እንዲኖር ይደረጋል ተብሏል።

ከቅዳሜ እስከ ረቡዕ በማእከል እና በቅርንጫፍ ጽሕፈት ቤቶች የውሃ ምርት እና ስርጭቱን የሚከታተሉ ኮሚቴዎች በማቋቋም፣ እስከ ምሽቱ 5 ሰዓት እንዲሠሩ እንደሚደረግም ተገልጿል።

በተመሳሳይ በኤሌክትሪክ ኃይል መቋረጥ ምክንያት የውሃ ስርጭት ችግር እንዳይፈጠር የመጠባበቂያ ጀኔሬተሮችን ዝግጁ ማድረጉን ከባለሥልጣኑ የተገኘ መረጃን ዋቢ በማድረግ ፋና ዘግቧል።

ቅጽ 2 ቁጥር 61 ታኅሣሥ 25 2012

መልስ አስቀምጡ

Please enter your comment!
Please enter your name here