ጠቅላይ ሚኒስትር ዐቢይ አሕመድ በመላው ሀገሪቱ የምርመራ ዐቅም ተጠናክሮ መቀጠል እንዳለበት አሳሰቡ

0
1102

ኮቪድ19ን ለመከላከል የተቋቋመውና በጠቅላይ ሚኒስትር ዐቢይ አሕመድ ሰብሳቢነት ሥራውን የሚከውነው የሚኒስትሮች ኮሚቴ ዛሬ ጠዋት ስብሰባ አካሂዷል፡፡

እስካሁን በተከናወኑ ሥራዎች ላይ ውይይት የተካሄደ ሲሆን፣ የክንውን ሂደቱም ተገምግሟል፡፡

የጤና ሚኒስቴር በቫይረሱ የተያዙ ሰዎች ቁጥር መጨመሩን ገልጿል፡፡ 67 በመቶ የሚሆኑት አዲስ በቫይረሱ የተያዙ ሰዎች በአዲስ አበባ የሚገኙ መሆኑ፣ ቫይረሱ በማኅበረሰቡ መካከል መዛመቱን እንደሚያሳይም ተመላክቷል፡፡

ቤት ለቤት የሚካሄደው የሙቀት ልኬት እና የቫይረሱን ምልክቶች የመለየት ሥራ እንዳለ ሆኖ፣ በቫይረሱ ከተያዙ ሰዎች ጋር ንክኪ የመኖሩን ሂደት የሚፈትሹ ከ700 የሚበልጡ ቡድኖች በመላው ሀገሪቱ ተሠማርተዋል፡፡

የኢንፎርሜሽን ኮሙኒኬሽን ቴክኖሎጂ ንዑስ ኮሚቴ እንዳስታወቀው፣ የመንግሥት ተቋማት በአካል ተገናኝተው በሚያካሂዷቸው ስብሰባዎች ምትክ የሚከናወኑ በቴክኖሎጂ የታገዙ ስብሰባዎች በጥሩ ሁኔታ እየተካሄዱ ነው፡፡

በ11 ተቋማት ውስጥ ለወትሮው ገጽ ለገጽ የሚሰጡ 75 መንግሥታዊ የሆኑ አገልግሎቶችም፣ አሁን በኢንተርኔት በመታገዝ እየተካሄዱ ነው፡፡ በተመሳሳይ፣ ሌሎቹም ንዑሳን ኮሚቴዎች ዋና ዋና ክንውኖችን እንዲሁም ተግዳሮቶችን የገለጹ ሲሆን፣ በተለይም በማኅበረሰቡ ዘንድ የሚታየው ቸልተኝነት ትኩረት ተደርጎበታል፡፡

በተጨማሪም፣ ወረርሽኙን ከመመከት ጎን ለጎን፣ በዐበይት ዘርፎች ምርታማነትን ማስቀጠል እጅግ አስፈላጊ እንደ ሆነም ማሳሰባቸውን ከጠቅላይ ሚኒስትር ጽ/ቤት ያገኘነው መረጃ ያመላክታል፡፡

መልስ አስቀምጡ

Please enter your comment!
Please enter your name here