የመንግሥት የፋይናንስ ድርጅቶች በሩብ ዓመት ከታክስ በፊት 3.8ቢሊዮን ብር አተረፉ

0
803

በመንግሥት የልማት ድርጅቶች ይዞታ እና አስተዳደር ኤጀንሲ ሥር በፋይናንስ ዘርፍ የሚገኙ የኢትዮጵያ ንግድ ባንክ፣ የኢትዮጵያ መድን ድርጅት እና የኢትዮጵያ ልማት ባንክ በ2013 በጀት የመጀመሪያው ሩብ ዓመት በጊዜያዊ የሒሳብ መረጃ መሠረት ከታክስ በፊት በድምሩ 3ነጥብ8 ቢሊዮን ማትረፋቸውን የኤጀንሲው የሕዝብ ግንኙነት ዋና ዳይሬክተር ወንዳፍራሽ አሰፋ አስታወቀዋል።
አፈጻጸሙ የልማት ድርጅቶቹ አቅደውት ከነበረው የብር 4ነጥብ36 ቢሊዮን ትርፍ አንጻር ሲታይ ክንውናቸው ከዕቅዳቸው 87ነጥብ35 በመቶ እንደሆነ የድርጅቶቹ አፈጻጸም ኅዳር 8፣ 14 እና 15/ 2013 ዓ በተገመገመበት ወቅት መታወቁን ነው የሕዝብ ግንኙነት ዋና ዳይሬክተሩ ገልጸዋል።
ድርጅቶቹ ይህንን ትርፍ ሊያገኙ የቻሉት የባንክ እና የመድን አገልግሎቶች በመሥጠት በሩብ ዓመቱ ብር 19ነጥብ99 ቢሊዮን ገቢ ለማግኘት አቅደው ብር 18ነጥብ89 ቢሊዮን ወይም የዕቅዳቸውን 95 በመቶ ማግኘት በመቻላቸው እንደሆነም ወንዳፍራሽ አሳውቀዋል።
ከተገኘው ከአጠቃላዩ የብር 3ነጥብ8 ቢሊዮን ትርፍ ከፍተኛውን ብር 3ነጥብ1 ቢሊዮን ወይም ከዕቅዱ 78 በመቶ በማትረፍ የዘርፉ ትርፍ አፈጻጸም 81ነጥብ23 በመቶ ያህል ድርሻ የያዘው የኢትዮጵያ ንግድ ባንክ መሆኑን ጠቅሰዋል።
ይህም በአምናው በጀት ዓመት ተመሳሳይ ወቅት አፈጻጸሙን አሻሽሎ ከኪሳራ የወጣው የኢትዮጵያ ልማት ባንክ በአጠቃላይ በሩብ ዓመቱ ብር 455 ሚሊዮን ወይም የዕቅዱን 2351 በመቶ ሊያተርፍ ችሏል ብለዋል።
በዚህም ለዘርፉ አጠቃላይ ትርፍ የ11ነጥብ93 በመቶ አስተዋጽኦ በማድረግ ሁለተኛ ደረጃ ላይ እንደሚገኝ አስታውቀዋል።
የኢትዮጵያ መድን ድርጅት ደግሞ በሩብ ዓመቱ ብር 260ነጥብ56 ሚሊዮን ወይም የዕቅዱን 75 በመቶ አትርፎ ለዘርፉ ትርፍ አፈጻጸም የ6ነጥብ83 በመቶ ድርሻ በማበርከት ሦስተኛ ደረጃ እንደያዘ ተገልጿል።
በየግምገማዎቹ ማጠቃለያ ላይ የድርጅቶቹ የመጀመሪያ መንፈቅ ዓመት አፈጻጸም አበረታች በመሆኑ በቀጣዮቹ የ2013 በጀት ዓመት የትግበራ ምዕራፎች የየድርጅቶቹ ቦርዶች፣ የማኔጅመንት አባላት እና መላው ሠራተኛ ይህንኑ አጠናክረው እንዲቀጥሉ ወንዳፍራሽ ጥሪ አቅርበዋል።

ቅጽ 2 ቁጥር 108 ኅዳር 19 2013

መልስ አስቀምጡ

Please enter your comment!
Please enter your name here