የምዕራብ ጎንደሩን ግጭት የሚያጣራ ቡድን በአስቸኳይ እንደሚላክ ተገለጸ

0
670

በምዕራብ ጎንደር ኮኪትና ገንዳውኃ አካባቢዎች በአገር መከላከያ ሠራዊትና በአካባቢው ሕዝብ መካከል በተፈጠረው ግጭት የንጹሐን ሕይወት ማለፉን የገለጹት የአማራ ክልል ርዕሰ መስተዳድር ገዱ አንዳርጋቸው በድርጊቱ ማን ምን እንደፈጸመ የሚያጣራ ቡድን በአስቸኳይ እንደሚላክ አስታወቁ፡፡
ቡድኑ ከፌደራሉ መንግሥት የሚወከሉ አባላትን እንደሚያካትት የገለጹት ገዱ ባሳለፍነው ሐሙስ አመሻሽ በሰጡት መግለጫ ‹‹በውይይትና በትዕግስት ችግሩን ለመፍታት ጥረት አለመደረጉ በእጅጉ አሳዝኖናል›› ብለዋል፡፡
ሱር ኮንስትራክሽን የተባለ ድርጅት በአካባቢው ለሚሰራቸው የመንገድ ግንባታ ሥራዎች ተሽከርካሪዎቹን ከአንዱ ፕሮጀክት ወደ ሌላው ሲያዘዋውር በመከላከያ ሠራዊት ማሳጀቡንና ይህም ከአካባቢው ፀጥታ አንጻር ተገቢ መሆኑን የገለጹት ገዱ፣ የተፈጠረው ግጭትና የሰው ሕይወት መጥፋት ግን በምንም ዓይነት መለኪያ ተገቢ ሊሆን እንደማይችል አስረድተዋል፡፡
ትናንት መግለጫ የሰጡት የኢፌዴሪ አገር መከላከያ ሠራዊት ምክትል ኤታማዦር ሹምና የዘመቻ መምሪያ ኃላፊ ጀኔራል ብርሃኑ ጁላ ‹‹መከላከያ እራሱን ተከላከለ እንጅ ሰው አልገደለም›› ያሉ ሲሆን ‹‹አድፍጦ የታጠቀ ኃይል ወደ ሠራዊቱ መተኮሱን ተከትሎ ሠራዊቱ ራሱን ለመካለከል የወሰደው እርምጃ ስህተት ከነበረበት መከላከያ ሠራዊት እንደ አገር ይቅርታ ከመጠየቅ አልፎ ለተጎጅ ቤተሰቦችም ካሳ ይከፍልላል›› ስለማለታቸው የመገናኛ ብዙኃን አውታሮች ዘግበዋል፡፡

ቅጽ 1 ቁጥር 9 ጥር 4 ቀን 2011

መልስ አስቀምጡ

Please enter your comment!
Please enter your name here